Facebook
RSS
Warta Jawi " Hangaturaken Sugeng Ariadi ", mugya ing dinten fitri, sedaya kalepatan kula panjengan sedaya pikantuk ampunanipun Gusti Ingkang Murbaeng Dumadi. Amien "

Tahun anyar ing Warung Cak MIn

-
Poenk Poerwa

Warta Jawi-Kabarkongo.com -- Pas waktu kurang limang menit. Warga sekitare warung Cak Min, wis siap siap kate nyongsong tekane tahun 2011. Kembang api wis siap disumet. Kembang api sing jumlahe puluhan disumet bareng-bareng karo arek nom-noman RT 22-23-24 PKP2. Tapi ono wong sing paling tuwek melok nyumet kembang api. Lha sopo maneh lek duduk Mas Didik Catur sing dadi pemborong.

Sak liyane kembang api sing disumet sambung-sambungan, arek-arek nom pemudane PKP2, gek ngarepe pos jaga mulai jam 23.00  an wis ngropok pitik. Lha tak arani ngropok masalahe, genine sing digawe mbakar sampek muncrat-muncrat. Mulane hasile mbakar pitik mau sing mateng gosong mung njabane. Lha daginge sik ketok putih. Tapi wis jenenge niat, pitik mau yo dipanganae karo arek nom-noman. Lawuh pitik mau digado rame-rame. Dijipili sing mateng. Sing sik kethok entah dibakar maneh.

Seje maneh karo wong-wong tuwane,wong-wong tuwa mek lungguh anteng gek kursi ngarep omahe Cak Min sing dodol kopi. Wong-wong iku isik gayeng nyekel remi koyok biasane. Kumpulan wong-wong iku main remi catetan. Sing nilai ne thithikkebagian ngucut. 


Nek perkoro jajanan ora kurang. Ono kripik sepe, tahu goreng, terus ketambahan nangka ter-terane pak Didik RT.22. Sing gelem yo podho nyamlungi nangka iku. Tapi nek ngombene, wong-wong pesen dewe nang sing dodol kopi. Ono sing ngombe teh, kopi ireng, kopi campur yo ono sing njupuk ombene arek cilik-cilik.
Sampek tulisan iki tak posting  koyoke arek-arek cilik sampek sing tuwek sing ora podho mulih. Koyoke isik seneng ngrayakno tahun anyar 2011. Yo mugo-mugoae kanthi tekane tahun baru iki, awake dewe kabeh isik diparing panjang umur. Gampang golek sandang pangan, lan iso ningkat ketaqwaan marang Gusti kang nggawe urip. Amien

Leave a Reply